تفحص الأجهزة الأمنية مقطع فيديو زعمت فيه فتاة تعرضها للتحرش من قبل سائق سيارة أجرة، حال استقلالها معه لتوصيلها في الحي اليوناني بالعاشر من رمضان بمحافظة الشرقية.

الأمن يفحص فيديو لفتاة تدعي تعرضها للتحرش من سائق سيارة أجرة بالشرقية
وتداول مستخدمو مواقع التواصل الاجتماعي مقطع فيديو يتضمن تصوير فتاة لسائق سيارة أجرة وأرقام لوحات السيارة، مدعية تعرضها للتحرش من قبل السائق الظاهر في مقطع الفيديو.

وقالت الفتاة: الموقف حصل معايا يوم الأربعاء الماضي الموافق 19 نوفمبر، كنت رايحة الشغل الصبح، وكان الوقت حوالي 11:30 صباحًا، وكنت واقفة مستنية ميكروباص، وقفلي عربية تومناية والسواق قالّي إنه رايح الموقف وهيوصلني ركبت جنبه لأن العربية من ورا كانت مليانة أوردرات ومفيش غير الكرسي اللي جنب السواق فاضي.

وأكملت: وأنا قاعدة كان فيه شنط كتير جنب رجلي، وبعدين ببص كدا لقيت الراجل حاطط إيده بطريقة مش كويسة من تحت الشنط اللي كانت جمبي ولمسني وأنا مش حاسة عشان الشنط كانت كتير، خدت بالي لما بصيت ساعتها اتصدمت وبعدين زعقت معاه وعليت صوتي بدأ يتوتر جدًا ويدّعي إنه كان بيشيل الشنط واعتذر وقال إنه مكنش واخد باله، بس تصرفه مكنش طبيعي ولا مقبول، وأنا وقتها تماسكت، وعملت نفسي بكلم حد وصورته وصورت نمرة العربية.