غادر حمزة علاء حارس مرمي النادي الأهلي السابق، القاهرة متجه إلي البرتغالي وذلك من أجل الانضمام لأحد الأندية.

تحيا مصر، ونشر وكيل حمزة علاء عبر حسابه الرسمي" إنستجرام"، صورة له برفقة الحارس، معلقاً:" دعنا نذهب".

وكان رحل حمزة علاء عن صفوف النادي الأهلي، وذلك بسبب عدم المشاركة مع الفريق خلال السنوات الماضية.

رحيل حمزة علاء عن النادي الأهلي        

وكتب حمزة علاء عبر فيس بوك، قرار الرحيل كان صعب، بس كان لازم أفكر في مستقبلي، يمكن الفرصة مجتش زي ما كنت بتمنى، بس كل حاجة بتحصل بيبقي ربنا سبحانه وتعالى كاتبها ورب الخير لا يأتي إلا بالخير. 

وزاد حمزة علاء، لجمهور النادي الأهلي العظيم، محبتكم وتقديركم عمرهم ما كانوا مرتبطين بعدد الدقايق اللي لعبتها، دايمًا كنتوا سند، في كل لحظة، في كل بطولة. 

واستكمل حمزة علاء، حسيت معاكم إني أحسن حارس في العالم وأنا بلعب في بطوله افريقيا والأولمبياد، كل اللي بطلبه، إنكم تفضلوا فاكرين إني كنت واحد منكم، ابن من ابناء النادي الأهلي.

وأشار حمزة علاء، لإدارة النادي بقياده الكابتن محمود الخطيب، شكرًا على كل لحظة حسيت فيها إني جزء من الكيان، ولزمايلي، إنتوا إخواتي وعيلتي اللي عمري ما هنسى أيامها و بتمني ليكم كل التوفيق و النجاح.

وأردف حمزة علاء، ولكل مدرب اتمرنت معاه داخل النادي، شكراً من كل قلبي على كل لحظة دعمتوني فيها أو علمتوني فيها حاجة، ولكل عامل تشرفت بالشغل معاه، انتم عارفين ‏معزتكم عندي.        

واختتم حمزة علاء تصريحاته، لشعب الاهلي، هفضل دايمًا مشجع للكيان، من قلب التالتة شمال، ويارب أرفع راسكم و اكون عند حسن ظنكم في خطوتي الجايه، و تكونوا ‏دايماً في ضهري وسند ليا زي ما طول عمركم عودتوني، واشوف وشكم علي خير، ابنكم حمزة علاء.