في نسبة كبيرة من اخواتنا البناء أصبحوا في تعداد المطلقات والأرامل بسبب عوامل طبيعية وعوامل تانية مختلفة.. فهل في بنوك بتقدم قرض للفئة دي من الناس .. والقروض دي بتوصل لكام.. واية شروطها.
القروض واحدة من الخدمات اللي بتقدمها البنوك للعملاء، واللي بتكون حريصة علي منح أنواع جديدة من القروض اللي تناسب كل الفئات الموجودة في المجتمع المصري، واحدة من الفئات اللي البنوك كانت حريصة علي تقديم وتخصيص قروضه خاصة بيها هيا فئات الأرامل والمطلقات واللي البنوك العاملة في مصر أعلنت عن تخصيص أنواع مخصصة لهم من القروض ودي طبعا لها شروط ومحددات خاصة بها لحصولهم علي القروض.
معظم البنوك العاملة في مصر مش بتخصص قروض للمطلقات والأرامل بشكل صريح تحت اسم قرض الأرامل أو المطلقات، ولكن ده بيكون من خلال مبادرات وبرامج تمويلية تراعي خصوصية النوعية دي من الفئات وبتكون لهم الأولوية ومن أبرزها برنامج التمويل اللي بتقدمها البنوك هو تمويل مستورة”التابع لبنك ناصر الاجتماعي، ده غير قروض المعاشات من بنوك تانية زي البنك الأهلي المصري وبنك مصر والبنك الزراعي المصري.
البنوك العاملة في مصر حددت الفئات المستهدفة من مبادرات تمويل المطلقات والأرامل واشترطت أن يكون سنهم يتراوح من 21 ولحد 60 سنة، وركزت على الأرامل والمطلقات غير القادرات، والهدف من البرامج دي هو تمكين المرأة من إقامة مشروعات صغيرة توفر لها دخل مستدام سواء في الإنتاج الحيواني أو التجارة أو الصناعات اليدوية أو الأنشطة المنزلية، وبتوص وبتتراوح قيمة القروض من 4 الاف جنيه ولحد 50 الف وعلي حسب طبيعة المشروع.
البنوك كمان حصت أكثر من ميزة للنوع ده من التمويلات واولها أنه بيكون تمويل بدون فوائد، ومصاريف إدارية رمزية، وبفترة سداد مرنة من سنة إلى سنتن وبدون اشتراط وجود مشروع قائم وبتكفي وجود فكرة قابلة للتنفيذ.
أما بقي الناس اللي بتسأل علي شروط صرف النوع ده من القروض بالبنوك حددته بأن يكون سن العميل لا يتجاوز 60 سنة وقت سداد آخر قسط، وشرط وجود ضامن للعميلة، وإثبات محل السكن ومكان المشروع في حالته وجوده، وتقديم استمارة طلب القرض، وصورة بطاقة الرقم القومي وتكون سارية للعميلة والضامن، والرقم التأميني للطرفين، وعقد إيجار أو تمليك لمحل السكن وإيصال مرافق حديث وعقد لمكان المشروع.